江若琳（Elanne）昨日與羅仲謙在海洋公園出席活動，試玩巨型吹氣滑水梯，濕身後若隱若現！天生大膽的她坦言很喜歡玩刺激的機動遊戲，更自爆小時候的百厭瘀事：「以前喺廈門玩滑梯，因為太曬，滑梯吸熱，一跣落嚟就搞到Pat Pat赤赤痛，成個禮拜都要翻轉身瞓呀！」

肌肉型的羅仲謙玩跳彈床，盡顯活力一面。

黃婉曼（左）、江若琳與羅仲謙歎杯凍飲降溫。

黃婉曼拒行泳衣騷

至於謙仔入行前曾任職救生員，他說：「好多女仔貪靚，着泳衣游水都加墊，一落水啲墊甩晒出嚟，喺水邊『浮游』，我哋叫嗰啲做『泳池水母』！（救過靚女？）冇機會，最惡心係拯救一個小肥仔，同佢人工呼吸後，佢竟然嘔晒之前食嘅腸仔出嚟！」擁有42吋胸肌的他，對身形不太滿意，故稍後與周秀娜及Jessica C.等「有料之人」拍電影時要加緊鍛煉：「同啲靚女都幾多對手戲。（好艷福？）目不斜視避嫌就真！」問到會否效法碧咸拍內褲廣告，他說：「真係有廣告商搵過我。（露股？）嘩！我冇咁大膽，淨係露1吋得唔得？」

同場的黃婉曼則擔任司儀，她自言只是新丁，暫不會自抬身價，她還斷言無論任何條件，也不能「利誘」她行泳衣騷。