前國家體操隊成員劉璇，昨日以歌手身份到電台宣傳新歌，她說：「首歌叫《往事剪接手》，依家係新開始，想剪走以前唔開心嘅事。（受過情傷？）做運動員嗰陣唔可以拍拖，都幾慘，試過想開始嘅時候被發現，話唔可以！」不過，她從未想過為拍拖而放棄體操：「依家好咗，以前我嘅戀愛唔屬於自己，係國家嘅。（依家有冇拍拖？）有鍾意嘅人，但大家都好忙。其實我諗過25歲結婚生BB，但已經過咗，睇緣分啦！」問到會否向心儀對象表白，她說：「佢都唔想我表白，我係被動嘅人。（閃電結婚？）以我性格都可能會！」