楊怡與馬國明主演的劇集《談情說案》大受歡迎，二人昨日應邀出席家品店開幕，楊怡以低胸裝上陣，大騷有料身材，更搞爛Gag說：「馬國明啱啱由印度返嚟，好陽光，加上今日陽光普照，咪着成咁囉！」她又指今次是首度與馬國明齊搵真銀，並感嘆合作機會不多，馬國明笑說：「其實我哋都幾襯，希望公司畀多啲機會我哋合作。」問到為何不見同劇的林峯？楊怡即笑指因對方太「貴」：「啲演唱會飛貴吖嘛！不過我都會全家人去捧場。」