楊千嬅、陳潔靈、謝安琪（Kay）和內地歌手徐子崴，昨晚出席紅館舉行的活動，昨日有報道指丁子高誓要在太太千嬅十月個唱上大獻歌喉，千嬅說：「吓？Rundown仲未定，如果大家提議咗，我同公司建議吓！不過當宣傳啦！」千嬅強調老公很細膽不敢上台，並投訴他是「咪霸」：「好鍾意話我呢度唱得唔好。」她承認老公鍾意唱歌，更逼她聽當年老公組成的樂隊VRF歌曲，問到會否擔心十二月舉行的婚禮變成迷你音樂會？千嬅說：「我諗丁家全部上晒去唱歌。」對於有指她以三萬元抽脂，千嬅否認：「我最怕痛，係都抆長個人同隆胸先啦！」

放大圖片	Kay和內地歌手徐子崴合唱。

而與內地歌手徐子崴合唱《我們的中國心》的Kay，被問到愛子張瞻在電台節目中的發聲，她說：「唔算開咪，嗰日係有個Phone In節目，佢見媽咪傾電話，所以爭住講兩句。」

最緊要老婆開心

另外，對於要求在太太千嬅的演唱會上合唱的丁子高，昨日出席活動時說：「如果我要唱十年前就唱啦！點會要求啲咁無謂嘅嘢，除非製作單位覺得有我好啲，我都會考慮。」

哪心底可會想與千嬅合唱？他笑說：「唔會唔希望囉！如果佢想我都會做，最緊要老婆開心。」談到有指他出席活動的酬勞只是太太的十分之一？他說：「我唔會出席公司以外嘅活動。（有冇人請你同千嬅同場？）冇，不過如果有客戶畀得起錢，我都唔緊要。」