為搞噱頭，「翻版徐子淇」曾麗儀（Debby）與經理人Sunny竟以身試法，上載自編自導自演的Debby街頭被「撕」爆衫露Bra的短片到YouTube。39秒短片中，身穿T恤的Debby深夜獨自在觀塘街頭步行，突然被男子扯去T恤後逃去，剩下穿Bra的她坐在地上流淚！短片上載後，即惹起全城鬧爆！
雖然遭全城圍剿，不過Debby經理人Sunny仍死撐影片不過火：「既然抄得日本妄攝，唔爭在抄埋日本共犯非禮條橋，抄日本啫！冇簽名會，各出奇謀啫！遲啲我哋會喺西洋菜街賣Tee，啲Tee會印咗佢哋妄攝啲相，有Fans支持o架！」而Debby更天真地說：「我只係想宣傳，唔明點解要被刪除！」