自去年周秀娜及Angelababy等模靠寫真集彈起，今年人人爭住跟風，連過氣港姐林莉（Carrie）亦推出寫真！自知身材不夠撼的她，除了靠樣似林志玲外，更改玩型格路線，最性感也不過是以Bra配襯皮褸及低胸裙：「我想Show型格性感、玩Mood同晒造型，之前仲飛去上海試咗20套衫，唔止高貴，仲有野性、Cool同清純！（清場拍攝？）初時都會有，因為着得性感都有啲唔慣，不過後尾都冇！從來冇諗過自己可以Carry到咁多唔同型，原來自己可塑性咁高！（辛唔辛苦？）都幾o架！因為每日要好早起身，一日影成十幾個鐘！」

為了打響頭炮，林莉事前做足準備工夫。	林莉以不同造型亮相，帶來無限新鮮感。	放大圖片

據知，Carrie的寫真集原本印了5,000本，但內部認購已佔了一半，由於不夠分發給書商，故要即時加印。記者笑問是否其有米緋聞男友大力支持？本來滔滔不絕的她，竟支吾以對說：「唔清楚，淨係知道會加印！」問到怕不怕被性感模比下去？她說：「唔怕！大家線路都唔同！Model界百花齊放係好，不過唔希望花園裏面得一種花，我唔想同佢哋比較，做Model係百變，唔係淨係靠性感！」似有弦外之音的她愈講愈「白」：「希望大家嘅做法正面啲！宣傳冇問題，其實佢哋應該發掘優點，唔好淨係Focus喺個胸度，唔好搞到成個圈好性感，否則個行業就會沒落！」

志玲被彈日語差勁

另一邊廂，林志玲與木村拓哉主演的日劇《月之戀人》前晚播出第7集，取得14.4%收視，比上周微升1%，不過對下周大結局幫助不大。說得一口流利日語的志玲，曾被彈在劇中日語口音不正，她解釋是導演要求，因劇中她演僅學了3年日文的上海女工。另外，近日她為Pantene護髮系列拍廣告，廣告中展示她不同階段的照片。