上周六Juno自爆與現年28歲的模特兒Janine相戀，是入行以來首度公開戀情。日前Janine在又一城接受訪問時自爆，與Juno拍MV時仍是朋友關係，雖然間中有見面，但直至個多月前才有Feel。問到何時正式拍拖，Janine甜笑說：「到今日啱啱拍咗兩個禮拜！（Juno上星期六就公開，真係好愛護你？）都幾開心！覺得佢好尊重我，好感動！佢公開又同我傾，大家都認為拍拖係好正常嘅事！（Juno點追你？）冇話做過啲咩，大家相處得好開心同舒服，兩個人最重要係溝通到。（Juno有咩吸引？）幾好，大家一齊好開心。」

第四度拍拖的Janine表示首次與圈中人相戀，向來低調的她暫未對這段「擇星奇緣」感壓力：「始終拍咗兩星期。從來冇問過佢同阿嬌嘅緋聞，唔會傾到呢啲。」她透露暫時未拜訪男友父母，問到會否視Juno為結婚對象，她說：「未諗，畀啲時間大家，隨緣啦！」

想做鯊魚攝影師

貴為公司十大最賺錢的模特兒，Janine家人卻認為模特兒花無百日紅，希望她找一份安穩的工作。但Janine希望當補習天后，原來她曾教授小朋友教授英語：「我嘅Dream Job係想做鯊魚嘅Researcher，或者做鯊魚攝影師，我自細就覺得鯊魚好靚，從來唔覺得佢哋惡，不過我冇食魚翅好多年，好想大家知道唔食魚翅，等於拯救佢哋。」