今年102歲的邵逸夫（六叔）前晚在方逸華（六嬸）陪同下，到灣仔出席孫女婿開設的法國餐廳附設酒吧開張，無綫一班小生、花旦如林峯、馬德鐘、胡杏兒、朱璇和廖碧兒言笑甚歡，當中有份赴會的林峯大讚六叔精神奕奕、健步如飛，問到有否興趣開舖頭？他說：「都想開，不過冇時間打理。（會否做紅酒生意？）我飲就叻，開舖都係算啦！」
而朱璇則透露，席上試飲了不少紅酒及香檳：「之前喺法國讀書，都有飲開紅酒，因當地人習慣食飯會飲少少紅酒。」而胡杏兒在微博上載相片，還表示出席完活動，飲了不少紅酒後，笑言有點醉。此外，同場謝天華表示一直渴望與六叔合照，今次可以有機會埋身拍照，機會難能可貴，他更指可以沾六叔靈氣，人都精神爽利。