寇鴻萍兩位千金唐貝詩（Lydia）與唐貝欣打扮入時，對飾物配襯亦甚有研究。家姐Lydia對珍珠鏈情有獨鍾，她指着頸上鑲有黑玫瑰的珍珠鏈說：「我好鍾意呢條鏈，因為就算着好Casual嘅衫，都可以變得好Grand，整體感覺唔同晒。」她認為平有平襯、貴有貴襯：「條頸鏈係英國牌子New Look，價錢唔算好貴。除咗珍珠鏈外，我都鍾意戴啲靚嘅手鈪，反而着衫方面，平時出街就着簡單嘅Leggings同牛仔褲，咁樣可以突出啲飾物。」
至於妹妹貝欣則鍾情金色飾物，包括手鈪及頸鏈等，她說：「啲人成日覺得金色浮誇，但只要識配襯，就唔會覺得突兀，好似我用粉紅色撞金色，出奇地OK，襯平民化嘅衫又得，高貴晚裝又OK！」
