昨日郭羨妮擔任《鉅記餅家》分店開幕剪綵嘉賓，笑言已非首次與該餅家合作，酬勞屬開心價，產品更是無限量供應，難怪她希望日後多多合作！對於今屆港姐佳麗是非不斷，身為師姐的她坦言見慣不怪：「年年都有呢啲新聞，不過我兩日前先拍完劇，所以冇留意。（寄語師妹？）盡量唔好理咁多，好好比賽就OK，盡咗力，得同唔得都係一個美麗回憶。」
另外，擔任司儀的宋芝齡透露近期除忙於韓語學校工作外，還投資近百萬元開設婚紗攝影公司：「都差唔多開張，初期我仲會跟啲新人去韓國影婚紗相，親力親為！依家又冇男朋友，惟有將成副嫁妝嘅錢投資囉！」談到世界盃開鑼，她指其學校職員熱捧韓國隊，要齊齊請假睇波。
