周潤發昨晚出席新片《諜海風雲》優先場，久未在港出席首映的發哥引來大批傳謀採訪，期間有記者與戲院員工發生碰撞而倒地。問到是否睇中貝沙灣單位，發哥笑說：「我冇睇樓，睇吓邊度吸龍氣啫！（有人將你同周星馳比身家！）我件衫唔洗就有『億』！（唔見鞏俐一齊宣傳？）我哋分工合作，好開心再合作，好期待睇套戲。（同片嘅尊古錫話鞏俐比章子怡更靚。）佢兩個係唔同嘅靚，唔識就覺得鞏俐好似蒙娜麗莎咁神秘，識落就唔覺。（你唔出席電影派對趕睇世界盃？）我唔大癮，不過我知南非治安唔好。」此外，吳彥祖、Rosemary、貝安琪、許懷欣與外籍太太均現身撐發哥，黃長發更帶同女伴高調到場。