四年一度的世界盃昨晚開鑼，為搶口碑及收視，有線及無綫各自使出美女政策，有線派出名模蔣怡（CoCo）及「寸嘴」袁彌明搶攻，於昨晚直播的《2010有線高清世界盃嘉年華》中，身穿火紅迷你裙的CoCo大晒事業線，實行以波光迎接世盃，可惜胸前的金龍裝飾大煞「峰」景，而她全晚儼如獎品女郎，未見突出，論吸引力不及同場講波的黃興桂拋金句吸引。
席間，當CoCo與前港腳李健和等介紹嘉賓任達華出場時，更是爛Gag橫飛，有線的「World Cup Angel」更向華哥硬送波餅。
雖然無綫今屆冇得「場場直播」，但亦在凌晨播出《世界盃動起來》節目，實行大堆頭出擊，嘉賓有錢嘉樂、「美味天使」劉俐、「天氣女郎」黃婉曼及情侶檔洪天明、周家蔚等撐場。周家蔚表示會陪爸爸睇波，而洪天明對於有指前女友Lilian捲入曾國祥多角戀，他說：「唔清楚，佢兩個先知。（覺唔覺Lilian畀人呃？）唔知！」而劉俐事後於微博表示「想哭」，因表現太緊張。此外，無綫體育製作主任李漢源，透露公司會用百萬元從法國購入動畫式模擬入球片段，以平衡失落播映權一面倒局面。