鑑於南非治安問題，香港政府昨日就該國發出黃色外遊警示，問到無綫撤回正在當地拍攝特輯的攝製隊及高海寧等藝人時，無綫外事部副總監曾醒明表示，剛與當地攝製隊伍聯絡：「佢哋好安全、冇太大影響，所以會按照工作進程繼續拍攝。如果升級為紅色外遊警示，會再考慮。（保險方面有冇加？）冇變，每位同事出外工作都有買保險，今次保險相比平時係貴啲。其實我哋大前提以安全為原則，寧願拍唔到嘢，都以人身安全為原則，提醒一定要集體行動。」
至於體育組製作主任李漢源亦透露，已致電高海寧等一行人，提醒他們要小心：「叫佢哋唔安全同太遠嘅地方唔好去，我哋每日都有通電話，發出黃色警示之前都有通過，佢哋好安全，未發現有危險。」
