周秀娜（Chrissie）昨晚率領新八模出席奧海城《閃鑽足球狂賞熱開幕派對》，以比堅尼上陣的Chrissie大騷32D身材，惟胸前一束頸鏈大煞風景，她與師弟Bro5載歌載舞演唱世盃打氣歌《World Wide Wild》時，四吋事業線強勁彈出界。期間英國著名花式足球運動員Dan Magness打破馬拉松控球26小時健力士世界紀錄後，突然向身旁的Chrissie求婚，全場起哄，令她「O嘴」大表驚喜，事後她說：「我頂唔順呀！佢26個鐘！」

DaDa穿上縮水Tube Top，幾乎逼爆衫。	Dan Magness（中）在信和集團商場推廣總經理蘇蔡潔蓮（左）面前，向周秀娜求婚。	短褲上陣的「新八模」，在台上騷長腿控球鬥搶鏡。

自認老模

Chrissie自言唱功麻麻：「冇諗過做歌手！（你把聲似張栢芝？）啲人搵唔到形容詞啫！」對於被指熱褲露黑邊，她即解釋：「係打底褲。（之前有模露毛？）我唔係模，係老模！」熱捧阿根廷的她揚言至愛球星美斯和巴西球星卡卡，並會與朋友小賭牙骹戰。至於被傳不和的新八模Mia和Suki夾口供說：「我哋識咗唔耐，性格靜少傾偈，不過將會一齊拍戲，今日我哋襯晒衫，梗係冇不和！」

另一邊廂，33D「百果園咪神」陳靜（DaDa）、「翻版大S」李莉琳（Liz）、孫耀威、Mr.、Swing、關楚耀和「天氣小姐」黃婉曼出席《apm全城瞓身睇世盃Ｘ旗開得勝環球群星賀世盃》。DaDa穿上大會提供的迷你巴西球衣，超細Tube Top令她胸光盡洩，令她及觀眾都幾乎窒息，「龍友」逼爆商場各層對準她高炒狂影。

大騷4吋事業線幾乎露點的DaDa坦言好驚逼爆衫：「我抖唔到氣，件衫好緊！（大會睇小你身材？）係囉！有啲喘氣！」她喜愛巴西和西班牙隊好有組織性。同樣性感現身的Liz，坦言早知要露事業線，可惜自己只有「線頭」質素：「我講明冇身材，要托嘅我都托晒！」另外，DaDa昨日與Liz（李莉琳）到刨冰店刨冰，宣傳夏日甜品。