雖然港府昨日對南非發出黃色外遊警示，但愛波之人陳小春表示會如期出發到當地睇波，並以「窮酸臭」妙計作應變：「四年一度好難得，到時我會戴假牙扮阿伯，全部污糟舊衫，盡醜盡臭盡核突。只會帶少少現金傍身，唔會帶電腦、相機，會用最舊最殘嗰款電話。」

至於阿叻亦呼籲普通人不要到南非，但又表示不擔心治安問題，已着手計劃到當地。記者告知譚詠麟獲友人送贈四十張世盃門票，但因籌備下月中的演唱會，故決定不起行，阿叻即取笑對方：「佢條命貴，我就膽正命平！」他又指打算組團與明星足球隊到南非睇波，但暫時未有人報名。

而李克勤則踢爆阿倫不赴南非另有原因：「佢媽咪點會畀佢去呀！」更指家人亦反對他到南非：「睇波只係娛樂！我想呼籲大家真係去睇波嘅要小心！」而任達華則自爆5年前在南非拍戲期間，曾遭賊車追劫，故不敢再踏足當地。

楊受成安全至上轉贈波飛

另外，已買下十二張門票的英皇老闆楊受成，最後決定為安全着想忍痛割愛：「我屆屆都會組團睇波，今年原本諗住同屋企人同朋友去，但見到南非治安咁差，加上黃色警示，我哋全部都唔去，依家啲飛我轉贈咗畀朋友。」另一「愛波之人」張智霖亦呼籲球迷不要作無謂堅持：「依家喺屋企開住電視睇波先係最舒服，真係無謂喺呢個時候冒險。」

名媛趙金卿與李玟家姐李思林則透露，已陸續有朋友出發往南非，趙金卿更表示日本前國腳好友中田英壽亦於前晚起程，她指一早知南非治安差：「有次喺嗰度坐熱氣球降落咗喺一個地方，導遊好緊張，好驚有賊打劫咁。」楊崢則坦言以往會到主辦國睇波，但擔心安全問題，今年選擇留在家中睇賽事，而早前於南非結婚的Lisa S.，則表示黃色警示沒有影響她對當地的信心。