陶喆緋聞女友岑潔儀（Zoey）與前Sky成員梁俊軒及林雋健開設的潮鋪，除了賣男裝衫外，亦兼賣Hand Made特色iPhone殼，每個均由她精心設計炮製而成。有感iPhone 4潮一觸即發，即場示範黐石的Zoey趕緊為自己的心血宣傳，希望趁新浪潮來到前盡力撈一筆！芸芸機殼當中，她最愛手上的啤牌殼：「我本身好鍾意啤牌圖案，呢個殼每一粒閃石同珠珠都係我喺唔同手鏈上拆出嚟嘅，我覺得個顏色同設計都幾啱鍾意玩魔術嘅人用！」Zoey亦推介牆上的虎頭殼，指很適合情侶選用：「虎虎生威嘛！」

岑潔儀與好友開舖賣潮物，望借iPhone 4熱潮撈一筆。

岑潔儀示範DIY閃石機殼，特別推介手中的啤牌款式。

勤練武九月演打女

近來忙於主持工作的Zoey，九月將到內地拍電影，首次演繹古裝打女角色。為了在鏡頭前呈現優美武打招式，她最近密密勤力學功夫，她說：「話晒都係第一次拍打戲，係一個幾大嘅挑戰，啱啱開始學打，練嗰時成日失平衡，仆到兩隻腳瘀晒！」