早前HotCha穿上吊帶低胸裙，大騷少女性感味道，不過成員Crystal竟是帶病上陣，見她面腫腫，問到她身體哪裏不適？她一臉尷尬未有回答，好姊妹Regen即代言：「佢尿道炎食咗抗生素。」禍不單行的Crystal透露牙齦也發炎，她沒有心機地說：「食咗五種藥，所以個人好腫，依家連講嘢都痛！」

扮WG勁緊張

當日HotCha化身韓國女子組合WG，並大跳熱爆歌曲《Nobody》，她們表示事前十分緊張：「我哋只係排咗一次咋！WG咁成功，跳完見台下反應咁好，個心先定啲咋！」

雖然打扮性感，但三女自嘲身材平平無奇，Regen笑說：「我哋身材都唔及王祖藍。」並笑言要向擅長扮女人的祖藍取經學谷胸，她們笑說：「學谷胸梗係第一個要問佢啦！真係可以由AA Cup都變C Cup，佢真係犀利，淨係對美腿都贏晒啦！」她們指如果祖藍不再扮女人是觀眾的損失。