日前李卓庭一改男仔頭形象，以一身淑女打扮拍攝新歌《美麗二線》MV，她穿上吊帶短裙及戴上長假髮，更應導演要求在鏡頭前拋眉弄眼，難怪因欠自然要NG多次！李卓庭忍不住笑說：「平時都唔會咁做，一下子點會做得到？梗係會NG啦！（冇電過男仔？）梗係冇！呼喝男朋友就有。」她透露其中一個鏡頭，導演找來一把大風扇吹住她，由於當時她穿上短裙，為免走光即用手按住，她笑說：「睇番條片個姿勢有啲似瑪莉蓮夢露，仲有少少模特兒氣質，建議公司幫我接吓Catwalk騷。（有信心行？）依家搵錢好難，盡量做到最好賺番筆。」