憑一段惡搞謝安琪《囍帖街》短片、在YouTube人氣急升的圈中幕後人曾淑貞（Anita），由業餘變身專業，本月底還殺上舞台開音樂會，獲昔日合作夥伴李蕙敏（Amanda）自薦擔任形象指導。不過，拍攝當日兩人當場鬧意見，氣氛僵持，工作人員也不敢插嘴，事後Amanda笑說：「我哋相識十幾年，Anita以前係我經理人兼助手，曾經同居幾年，所以感情特別深厚，平時溝通都充滿火藥味。見佢終於夢想成真，我好開心又緊張。」
由安排工作變成被指揮，Anita直言不太習慣：「依家掉轉頭畀佢督促真係唔慣，但知道佢好緊張我，好感動！我仲要感激一班曾經湊過嘅歌手明星，佢哋話用唔同嘅方法支持我，令我好驚喜。」Anita不忘提攜樂壇新組合Lander，安排他們表演。