香港各類型婚紗店林立，為求殺出一條血路，身為中韓混血兒的宋芝齡（Angel）絞盡腦汁，最後決定以韓式婚紗作招徠，提供到首爾、大邱及釜山等地方拍攝婚紗照的服務：「咁始終我識講韓文，去到韓國同當地人溝通都方便啲，去影婚紗相嘅幾個城市都各有特色，有啲就城市感重啲，有啲就主打郊野景。」Angel還親自任模特兒，相中的她與男模相當合拍，甜蜜之情滿瀉！

宋芝齡親自擔任模特兒，率先到韓國試景。

宋芝齡與男模甜蜜影婚照，相當合拍。

引入改良版露膊韓服

談到將來的婚禮，Angel表示屆時想中韓合璧，更會與夫婿再拍攝一輯新的婚紗照，亦有意穿着改良版韓服：「依家有隻新嘅韓服，同傳統喺《大長今》度見到嘅好唔同，改良咗嘅有好多唔同嘅剪裁，大部分都會露膊，同埋冇傳統嘅韓服咁侷促！」她早前特別往韓國學整婚禮用的花球，除了會在舖頭擺賣外，亦希望結婚時可以在會場擺放，她說：「其實韓式嘅婚禮多數都布置得好簡約，所以我整嘅花球顏色都唔會好鮮艷，希望個婚禮可以簡而清。」