葉翠翠昨日凌晨在微博自爆疑被家傭偷錢，前日亦已報警求助，原來年初時，她首度請印傭已中過招，今次公開事件是希望大家關注，勿墮陷阱。翠翠說：「年頭第一次請印傭，初時好正常，一個月之後就態度變晒，好似博炒咁，當時冇諗過係蠱惑招，賠錢賠機票畀佢走。期間發現佢有啲頸鏈嘅當票，咁啱我又唔見咗啲頸鏈。」翠翠更指印傭借貴利，累她被追數，慶幸搬屋後沒再受到滋擾。

翠翠其後再經印傭公司轉介下聘請另一印傭，豈料返工第二天就出事，翠翠說：「印傭第二日突然話好辛苦要辭工，打畀間印傭公司，佢哋態度好差，叫我賠兩日人工同機票叫佢走囉。我覺得好冇道理，同印傭講如果要走就要賠一個月人工，佢話冇錢賠。諗住息事寧人，唔使佢賠錢叫佢寫封辭職信就算，印傭話出去打電話就突然唔見咗人，老竇追出去，佢就愈叫愈走。之後再打畀印傭公司話印傭走咗，佢哋話印傭依家安全。」

自責連累雙親

翠翠覺得事有蹺蹊，決定報警求助，期間母親才發現銀包內數千元不翼而飛，懷疑是印傭所為，她說：「如果唔係身有屎，使乜愈叫愈走。」翠翠其後再點算，發現除了媽媽損失現金外，部分金飾及相機亦不翼而飛，估計損失逾萬。

翠翠對此感到十分激氣，自覺像引賊入屋，原本想減輕父母家務壓力，反而令雙親不快。據警察公共關係科表示，前日約五時半，西貢有一名姓朱女子報案，指銀包內遺失二千元現金，現列盜竊案處理。