昨晚馬浚偉錄影《勁歌金曲》，對於被指銀行存款只有88萬，而女友則有半億家底，馬浚偉笑說：「我其實得88蚊，諗住問女友借多12蚊，夠100蚊先可以拿到出嚟！我唔知未來外父有幾多身家，將來都係我照顧另一半，唔使女友畀錢，依家出街其實都係我畀錢嘅，我對人豪爽，對自己就孤寒。」他表示以前不肯公開女友身份是怕影響其生意。
同場的黃宗澤被問到緋聞女友胡杏兒唱歌走音，他笑言很久沒有上《勁歌》，也擔心唱錯歌詞，問到會否擔心與杏兒成為「走音鴛鴦」﹖他說：「你估咖啡、奶茶呀？走音有好多原因，唔好好似判咗人死罪咁放到咁大。（安慰杏兒？）有！阿姐（汪明荃）都有。」