中英混血模特兒Janine，昨日以短裙溜冰裝束出席《又一城歡天雪地．父親節冰上足球樂》，並裝飾紅酒作父親節禮物，司儀問她會否送給「好朋友」的父親時，她一臉尷尬地笑着說會。

活動結束後，Janine與同事醫肚，期間不停傾電話。

Janine示範溜冰，技巧純熟。

首次以「龍嫂」身份面對傳媒的她看來十分緊張，當被追問與Juno的感情時，更一度想改話題。她承認事前已知Juno會公開戀情，對此十分開心，問到Juno為人如何，她含羞答答地說：「幾好。」現年28歲的她不介意公開年齡，並承認比Juno年長，問到會否怕被指靠對方上位，她說：「唔怕。（情比金堅？）係，同做嘢分開。」

食飯煲冧粥

對於被指一腳踏兩船，Janine澄清與Juno開始前已跟男友分手，原因是性格不合：「當時分咗手大約半年。（舊愛話Juno撬牆腳？）係報道寫，佢從來冇講過。（舊愛嬲？）冇！」對於吸煙及紋身照曝光，她大方地說：「點都控制唔到，啲滴蠟相係中秋時玩蠟燭。（影響豪門路？）冇諗過咁長遠。（有冇同舊愛影親熱相？）冇。」她還自嘲年紀大，暫不會做幕前工作。

活動後，Janine在經理人和公關等陪同下到日本餐廳醫肚，但她專注煲電話粥又一臉甜笑，相信是與Juno傾蜜偈，更足足傾了15分鐘才收線開飯！