四年一度的世界盃今晚開鑼，一班女球迷睇波之餘，當然不忙睇靚仔球星，早已名花有主的周秀娜及袁彌明不諱言視球星為性幻想對象！周秀娜表示最欣賞邪中帶帥的葡萄牙國腳C朗：「我最鍾意佢拍過嘅內褲廣告，真係不得了！雀仔好似飛出嚟咁！加埋腹部六舊腹肌，真係型到爆。唔係個個斬波扭波都可以好似佢咁靚仔，就算受傷都係咁正！（C朗出名花弗！）有時現實同幻想唔成正比，現實係殘酷嘅！（咁C朗同男友Avis邊個勁啲？）唔可以比喎！一個用腳一個用手（Avis擅長打籃球），兩個都勁！」
袁彌明被問到哪個球星是其性幻想對象時，起初亦扭擰不想答，她直言擔心被男友扭耳仔，後來才說：「如果真係要揀就揀卡卡，佢皮膚好黑，神秘啲、新鮮啲，可以滿足好奇心。」不過，卡卡其實是位白人！