世界盃今晚揭幕，本報邀得幾位「星級評審」講心水，其中李克勤睇好西班牙捧盃：「韋拿、費蘭度托利斯、恩尼斯達都當打，如果有運就係佢哋捧盃！巴西今年唔好睇，教練鄧加主防守，冇晒以前嘅花巧嘢。」任賢齊同樣撐西班牙：「中場好勁，又有全能球員沙維，加上捧盃可以重振國威，球員會有使命感。巴西雖然勁，但球星太大牌，可能驚受傷，求勝心會差啲。」
不過，任達華則力撐巴西：「巴西出名香蕉形射球，今屆啲波又出名飄，守門員會好驚！」而陳法拉昨日出席活動時亦表示睇好巴西，雖然她不知道男友薛世恒捧哪隊，但相信不會為此而鬧交，亦不怕男友因睇波而冷落她：「一大班人睇先有氣氛嘛！」
