書展寫真戰一觸即發，新八模率先爆內訌！Mia因傳出整容、自爆有仔女及是恃「錢景峰女友」之名而火速上位，輕易成為傳媒追訪焦點，當時已令其他成員感到不是味兒，尤其是憑「翻版Stephy」之名而上位的Suki，由於二人實力旗鼓相當，自然更為不滿！

Mia是新八模中人氣最勁的成員，是非也自然最多。

Rika眼瞇瞇又朱唇半開合，相信事前久經訓練。

最近新八模經常要拍宣傳照，有傳有次Mia因身體不適而遲大到，但最奇怪是相隔幾小時後，Mia竟在公開活動中現身，令其他成員大感莫名其妙，事後愈諗愈慶，決定集體杯葛她！當問到Mia是否曾遲到？Suki直認二人唔啱傾，更寸爆說：「佢唔係遲到，係冇到！佢有權揀自己嘅工作，又可能佢有唔舒服啦！不過我哋都唔舒服，M到（月事）添！」

Hidy甫士性感，表情又誘惑，非一般人能模仿。	Mia（左一）與Suki（左三）同枱開餐，但明顯各自修行。	Hazel大晒長腿，性感誘人。

對於被成員杯葛，Mia仍死撐：「嗰次我唔舒服，仲入咗醫院，醫生話我有腸胃炎，加上冇好好休息……我已經同公司交代咗，其他人點諗我控制唔到喎！」

經理人懶理爭拗

另外，早前有節目主持人暗寸新八模受訪時爭咪，笑她們失禮，建議應選出一位隊長！不過，新八模經理人Roy指現在是個弱肉強食的世界，更笑說：「下次可能唔止爭咪，仲會批(月爭)！（選隊長？）香港有言論自由，個個都有權發言！」他表示下次會叫她們在訪問前「猜情尋」，誰贏就獲發言權。