胡心諾（Rainbow）前晚率領冬甩（Donut）的「翻版蔡依林」曾寶玲（Ar Yu）、許麗燕（Irene）、劉瑋欣（Vilian）和何嘉兒（Sweet）到柴灣錄音室灌錄動漫主題曲。Rainbow自爆首次入錄音室，還未開聲，Ar Yu和Sweet則甩拍子，結果齊齊被監製鬧！
據知Rainbow和Ar Yu稍後有機會跳出Donut獨唱，難怪Ar Yu練歌時落力地谷出Y形胸自彈自唱，她說：「我接咗個Online Game嘅代言人，有機會唱埋主題曲。（唱得差？）平時唱歌唔係咁差，可能第一次太緊張，之後應該愈唱愈好。」另外，新八模最近連番抨擊Donut，Rainbow沒好氣地說：「最好做番自己嘢啦！唔使人幫我哋做宣傳。」