王祖藍將於下月30及31日在伊館舉行兩場由英皇及無綫主辦的《“咪咁扮嘢”王祖藍演嘢會》，門票今日公開發售。昨日祖藍出席記者會，無綫高層樂易玲及英皇高層吳雨到場支持，古巨基、鍾舒漫、阮兆祥及林峯等錄短片打氣，林峯笑說：「上次做我嘉賓係咪畀得少錢你，所以今次揀同我同一日開騷？」

向樂易玲詐型

祖藍以變魔術方式出場，並在巨型魔術盒取出紙板，上身是半裸長髮的祖藍，下身是陳偉霆的激凸造型，他向樂易玲說：「原來親生仔都有大細超，人哋拍劇有G同S Cup女模做對手戲，我就得阮小儀，人哋就喺紅館，我就喺伊館。」令全場爆笑，他更說：「他朝一日佢喺世界，我喺萬國（指殯儀館）！」祖藍還大讚基督徒女友：「佢好體諒，我冇揀錯。女友話我扮女人睇到好奇怪，仲話如果帶到歡樂畀大家就去做，真係好冧，唔好再講，溶喇！」他指女友會現身睇騷：「未公開得住，未係成熟，保護多陣先。」

對於與林峯個唱打對台，祖藍說：「我露上又露下冇問題，大家偶像派客路一樣。（佢濕身？）我用感動令觀眾喊濕身！」他更踢爆林峯不公開戀情與他的做法一樣，記者追問林峯女友是誰？祖藍即說：「我話如果佢有，相信唔會公開。」