全球矚目的世界盃明天在南非揭幕，圈中一班女星紛紛捧場睇靚仔！當中以巴西球星卡卡最受歡迎，周秀娜（Chrissie）、官恩娜（Ella）、李彩華、鍾嘉欣、江若琳、蔡穎恩（Evelyn）和何思諺等都揀他做男友，貪其靚仔又顧家。Chrissie笑言會撇低男友揀卡卡，若二人同場較量更會為卡卡打氣，而Ella亦大讚卡卡很有安全感。

相反陳嘉寶（Anjaylia）、梁詠琪和王君馨獨愛葡萄牙超級球星基斯坦奴朗拿度（C朗），鍾舒漫則情迷西班牙「王子」費蘭度托利斯，而鄧麗欣和唐寧就十分喜歡因傷無緣踢今屆世界盃的「萬人迷」碧咸。

Ella、李彩華和江若琳都情迷卡卡。	江若琳	李彩華

睇好南非拔頭籌

大部分女星一致睇好南非在揭幕戰先拔頭籌，因主辦國有主場之利，球迷陳小春預測賽果是南非贏墨西哥2：1，他更表示下月初會飛往當地睇波，感受氣氛。