陳法拉是不少男士心中的女神，不過原來性感背後，她的性格相當男仔頭，曾抱不平跟男仔打架，未知會否嚇跑粉絲呢？
童年篇
問：細個有冇同男仔打過交？
答：試得多，一講唔啱就打！我真係太曳，好多時都係路見不平就打，左邊面上都有疤痕，亦有畀指甲抓傷過！
習慣篇
問：臨瞓前係咪一定要刷牙？
答：係呀！就算幾夜收工都要！我試過返唔到屋企，喺公司妝都唔落就瞓，不過都要刷牙！開工對人講嘢會口臭k架嘛！所以我個袋必定有牙膏同牙刷。
喜好篇
問：最憎男人有咩壞習慣？
答：最憎啲男人打機！Keep住唔停咁打，覺得佢哋好冇責任感、唔夠自律！控制唔到自己，好難做得成大事！
飲食篇
問：會喺飯前定飯後食生果？
答：飯後食，生果好似甜品咁，應該放喺最後。
膽識篇
問：見到曱甴會有咩反應？
答：完全唔驚！我自細喺屋企負責打曱甴o架！有次拍劇要攞袋曱甴出嚟，全廠男人走晒，我攞住袋曱甴追住人玩，都唔明男人點解咁驚！