城城終於榮升馬主！昨日在馬會新一批馬主名單中，除了城城外，被抽中的圈中藝人還包括洪金寶及陳百祥。據知城城多年來對賭博甚有研究，對賽馬更是情有獨鍾，就算升呢成為天王後，對賽馬的情意結從未冷卻，平日會小賭怡情。

郭富城曾任賽馬會活力暨慈善大使，並任頒獎嘉賓。(資料圖片)

熊黛林

「諗定得意嘅名」

身在北京拍戲的城城，得知抽中成為馬主後，自言開心過中六合彩：「一直好想買一隻馬，抽幾次先抽到，今日知道抽到好開心，將來可以同同事及朋友入馬場睇賽馬會好玩啲！（挑選咩品種？）希望買到一隻又弗又健康嘅馬，第日可以拉頭馬，依家諗吓幫隻馬起個得意嘅名先！」

城城成為馬主，希望帶朋友入場「開心啲」，相信包括其緋聞女友熊黛林（Lynn）！雖然城城從未首肯承認其女友地位，不過相信Lynn定希望有朝一日以馬主夫人身份與城城一起拉頭馬，加上她向來愛犬，與城城愛馬同樣愛動物，必定有助增進感情！