曾國祥多角戀女主角之一的模Ivy（蔡瑩瑩）近日備受是非困擾，昨日她與Liz（李莉琳）在旺角拖手、搭膊頭行街，Liz搭着Ivy的膊頭，避免她吃東西時被撞倒，兩人又拖手過馬路，未知Ivy是否怕再捲入多角戀而轉「性」？Ivy事後接受訪問時，不欲多談多角戀：「我唔講咁多，等件事淡化。（同曾國祥關係？）雖然冇聯絡，但我哋由始至終都係朋友。（覺得A. Lin講得太多？）佢係我朋友，我唔可以代表佢講嘢。（傳你轉「性」？）梗係唔係啦！哈哈！係Liz男仔頭，我百分百鍾意男仔o架！」
另外，有傳曾國祥帶另一多角戀女友A. Lin參加陳小春的美國婚禮，在無錫拍劇的小春說：「我冇見過A. Lin。我哋男人唔講女人嘢，都係日日喺內地睇《東方日報》，先緊貼件事。」他又稱未見過曾國祥拍拖九年的正印女友。
