學友無懼傳染照錫妻女

自感染腸病毒後，張學友昨日首度公開露面，與白雪仙、陳寶珠、鄭欣宜及葉德嫻等出席音樂人高世章的「尋香記」活動，學友甫見記者即自言已完全康復：「報道出咗港聞，嚇咗一跳！收到十幾個朋友電話，其實我係最後一個病！（醫生話愈乾淨愈易病？）所以我咪最後一個囉！因為我污糟嘛！（暫時避免同太太及囡囡親熱？）冇辦法避免喎！呢啲係正常親子活動！」

陳寶珠則透露剛到印度見大寶法王為母祈福：「我夢見過媽咪，佢好高貴咁望住我笑，我覺得佢應該好開心！（叫個仔結婚？）唔使咁急，不過都想抱孫！」