即將上映的電影《色慾都市2》，四位女主角將遠離國際大都會紐約，遊覽阿聯酋及墨西哥，飾演女主角凱莉的莎拉謝茜嘉柏加接受訪問時透露，與演員及工作人員在墨西哥逗留兩個月，公餘時還一起遊覽及購物：「呢啲係前所未有嘅經歷，好特別！」她又表示在沙漠騎駱駝，被駱駝拋上拋落，非常刺激，穿上涼鞋在沙漠上走路時，沙子流進涼鞋內，有時兩隻腳陷入幾吋深的沙裏，既有趣又難忘。

片中四位女主角經常換上多套靚衫，儼如行時裝騷一樣，莎拉表示四人擁有逾一百套衣服：「我有40多套，其他三位每人至少有25套。」與前男友重遇的一幕中，莎拉親自襯戲服：「嗰日我同服裝設計師一齊揀衫，將一件晚裝底裙，加上黑色古董T恤同公主袖，做成呢套衫，我哋覺得咁樣配搭好有特色。」

導演大讚演技超班

而導演兼編劇Micheal Patrick King對四位「色慾女」信心十足，故構思《色2》時沒有壓力：「我知道無論我寫乜，佢哋四個都一定演到我嘅要求，所以我可以盡情地寫我認為觀眾鍾意睇嘅情節。」與四位「色慾女」合作多年的男主角基斯羅夫說：「我唔知道佢哋呢幾年嘅變化，我只留意到佢哋嘅鞋子款式嘅轉變，講真我同佢哋合作咁耐，相處好愉快。」