古天樂和吳彥祖（Daniel）在《鎗王之王》中鬥槍又玩心理戰，惟「感情線」卻集中在古仔身上，古仔笑說：「唔知導演係咪知Daniel要結婚，特登唔安排任何感情戲喺佢身上，斷絕Daniel同一班靚女嘅情絲。」片中古仔獲飾演其上司的李冰冰給予機會，助他扶搖直上，但同時又面對相處多年的女朋友阿Sa，要在名利與情感間作出抉擇。古仔說：「電影中帶出嘅重點，係人生有好多嘢都唔係自己可以作主，包括感情，我個角色表面好似要風得風，但其實唔係自己話事，係環境逼成，當事人根本猜唔透，呢個就係人心理難以猜測嘅地方。」

阿Sa內心戲考演技

至於飾演古仔女朋友的阿Sa，是一名護士，外表小女人，但見慣生離死別，內心堅強。阿Sa感激導演給予機會：「我一向演嘅角色都係比較樂天嘅女仔，但今次好着重內心戲，而且係外表同真正性格有反差嘅一個角色。」另外，首次與爾冬陞結片緣的冰冰則說：「之前非常欣賞他，他曾經做過演員，了解演員的想法，我更要多謝他在拍攝時給我一些關鍵性的指導和提示。」