甄子丹太太汪詩詩有一仔一女，細仔James兩歲多，好動之餘仲好鍾意講嘢，小小So有次見到佢哋食飯，詩詩無奈咁話James一日廿四小時都不停叫「媽媽」：「每逢一家人食飯，囝囝見到我哋傾偈，就會喺側邊發出聲音令到我哋講唔到嘢，我媽咪話以後James食飯要同大家分開食，如果唔係我哋根本冇可能傾偈。」另外，有次詩詩同James及囡囡Jasmine去睇戲，James又不斷發出聲音，大叫同大笑，令到詩詩好尷尬，所以詩詩以後都冇再帶James去戲院睇戲，惟有喺屋企睇，詩詩笑笑口咁話：「都唔知James係咪食咗個大聲公落肚！」