本地時裝設計師何國鉦（Dorian）早排去咗北京做騷，小小So咁啱喺香港機場撞到佢，見佢一臉倦容，原來啱啱落機。佢話架飛機原定下晝五點起飛，點知延遲咗三個鐘，返到香港已經差唔多凌晨十二點，但係佢仲未可以返屋企休息，因為要趕住睇醫生喎！
佢同小小So講，喺北京為咗場騷已經忙到飛起，仲整親隻腳：「我唔小心右腳差咗落坑渠度，小腿即時流血，惟有急急腳睇當地醫生，雖然已經包紮好，不過都係喺香港再睇多次醫生穩陣啲！」喺佢不斷講嘢之際，小小So即時睇吓佢隻腳係咪傷得好嚴重，點知真係喺佢對鞋度見到血漬斑斑。飛機又延遲，又整親隻腳，Dorian真係禍不單行！
