Jessica C.

「佢條裙無論顏色同設計都好有層次感，襯出嚟覺得佢好Young、好有活力，但如果佢左手可以加番啲首飾會仲好！」

劉嘉玲

「佢着得好靚，藍色高貴好啱佢，又好配合個場合。條裙個Tube位亦好特別，感覺同髮型好合襯。另外，閃銀色嘅戒指、耳環同鏈都襯到絕。」

查理絲花朗‧貴氣滿瀉

「Tube Dress好靚，款式簡單又顯出佢嘅靚身材。佢嘅黑色指甲油、黑色高跟鞋係同一個Tone，好靚、感覺Elegant（高貴）！」

葉翠翠‧髮型出事

「翠翠嘅身形唔差，但個髮型出事。着Tube Dress應該要騷吓肩頸，但佢嘅髮型就遮住晒成個膊，搞到條裙重心唔知放喺邊好。」

官恩娜‧老土保守

「今次着得保守咗啲，條裙Cutting睇嚟好老土，一條裙落冇特別花款，完全顯露唔到佢嘅身材，加番條閃石腰帶會好啲。」

范冰冰‧下身累贅

「條裙下身好重同埋有好多摺紋，感覺好累贅。而上半身Tube位反而好平淡，如果條頸可以襯多啲飾物會好好多。」

楊千嬅‧全身冇Focus

「條裙Colorful又玩層次，但上半身有啲累贅，全身嘅Focus都唔知放喺邊？」

陳刀Profile

時裝設計師陳刀畢業於香港理工大學，03年舉行首個個人時裝展，曾為樂隊I Love You Boyz、歌手麥家瑜、李卓庭等作形象及服裝指導。