中巴鄺敏慧上月中出庭後，昨日首次公開露面，出席《中港城迎接世界盃》活動，問到有否留意舊愛崔建邦復工消息，她說：「有，我都戥佢開心，希望大家都一樣畀心機工作。（聯絡？）冇，大家都做緊自己嘢，之前嘅嘢冇再諗。」至於日後擇偶會否有陰影，她說：「有機會都想拍拖，但緣分未到。（唔再識玩散打嘅人？）哈！冇諗過，等我諗吓要咩條件再話畀大家聽。」
另外，有傳馬國明與胡定欣分手後搭上李詩韻，昨日兩女同場出現，全程傾個不停，大會更特設馬國明人形紙板扮守門員讓兩女射門，明顯將緋聞擺上枱！自稱對緋聞感到迷惘的李詩韻，強調不會與胡定欣愛上同一個男人：「我唔鍾意爭仔！」胡定欣則說：「要爭嘅就唔係屬於自己！」問到會否抗拒馬國明追求，李詩韻笑笑口看着胡定欣說：「好難答。」另外，李詩韻近日與好友宋熙年等一同拍酵素液產品Charming Enzyme廣告，有錢齊齊搵。
