談情說愛
問：覺得邊個男星係最適合嘅老公人選？
答︰梗係張學友啦！
解讀︰原來學友畀Vangie嘅印象除咗係唱得之人，亦都係一個好老公，佢覺得學友身為公眾人物，好保護妻子同女兒，有一段幸福美滿的婚姻。
問：覺得邊個男星係最適合嘅男朋友人選？
答︰我會揀王祖藍，佢夠幽默，認真時又夠認真喎！
解讀︰大多數女士都愛幽默風趣嘅男士，Vangie自問係一個好動女生，認為呢種男士會帶畀佢歡樂，不過亦要有認真一面！
問：幾歲開始拍拖？初戀感覺係點？
答︰12歲初戀，覺得好開心，好得意。
解讀︰Vangie人細鬼大，六年級已經同男同學拍拖，不過原來只係傾電話，冇拖過手，佢回想當時經常偷望呢個男仔。
問︰初吻幾多歲？當時有咩感覺？
答︰15歲讀緊中三，有少少驚o架！
解讀︰當時係男方做主動，不過只係嘴對嘴冇濕吻。
減肥血淚
問：試過用咩方法減肥？
答︰參加纖體公司，唔食嘢同做機，真係好辛苦！
解讀︰Vangie之前去纖體公司瘦身，除咗做機，仲要食減肥餐單，佢話一日食兩隻蛋白、菜，仲要食少量碳水化合物，難怪覺得辛苦！
考你急才
問：如果喺電梯度唔小心放咗個屁，個個都懷疑係你嘅時候，會有咩反應？
答︰會扮冇嘢，仲會話好臭喎！
解讀︰Vangie確實抵死o架，不過呢個方法未必可以轉移視線，反而令自己嘅嫌疑大增！
生活秘聞
問：自己一個人喺屋企嘅時候，會唔會唔戴Bra通屋走？
答︰我會唔戴，因為舒服啲。
解讀︰除咗唔戴Bra，Vangie唔會喺屋企赤裸四圍走，亦唔會裸睡，因為缺乏安全感！
問：鍾意着T-back、高腰定低腰褲？着底褲喜歡咩圖案？
答︰會着低腰褲，都試過着啲卡通同五顏六色嘅底褲。
解讀︰Vangie會睇心情揀底褲，不過唔會着T-back，太性感。
問：細個嗰時有冇同過男仔打交？
答︰冇！不過同女仔就試過。
解讀︰Vangie同女同學爭玩具爭執，當時好狠咁咬咗女同學背脊一塊肉出嚟，認真可怕！