羅仲謙、魯芬、呂慧儀、李國麟、女子組合Freeze及「新香蕉俱樂部」三子前晚錄影《超級遊戲獎門人》，最年輕靚仔的謙仔被安排跟魯芬、呂慧儀及李國麟一組。今次新增蒙眼啜紫菜環節，曾志偉刻意安排謙仔跟魯芬一對，還教謙仔「好又一餐，唔好又一餐」！謙仔和魯芬合作時，被女方擒住啜，他表現無奈，場面搞笑！最終謙仔被魯芬啜爆嘴唇見紅，但志偉後來安排謙仔跟呂慧儀啜紫菜作補償。

Freeze假胸唔怕撞

其後玩「坐波波」時，謙仔被魯芬飛坐，志偉問他：「你有冇試過畀火車撞過？」謙仔事後說：「芬姐都幾狠勁，我撞爆唇流咗少少血！（好艷福？）老中青高矮肥瘦都有，唔錯，真係好大得着，好過攞禮物！」

羅仲謙被安排與魯芬玩啜紫菜，認真大整蠱。

曾隆胸的陳樂榣（中）飛身玩「爆波波」。

此外，Freeze亦十分落力，玩「爆波波」時更自動請纓。曾隆胸的甄穎珊及陳樂榣被錢嘉樂揶揄：「我聽到七下爆聲！」問到假胸撞爆波有否問題，甄穎珊說：「我問過醫生，佢話撞擊力要大到好似撞車咁至有事，所以係冇問題，我唔會就住玩。」