寫真戰一觸即發，不少逼爆身材的o靚模如「警鐘胸」Jessica C.、「D Cup導彈」DaDa Chan及「E Cup咪神」Carol個個來勢「胸胸」，但最近亦有報道指她們疑似隆胸，令o靚界掀起一陣「打假波」疑雲。

Annie拿起比堅尼愛不釋手。	Hailey（左）和Annie看見大堆手袋即甚為雀躍。	Annie（左）即場試比堅尼，Hailey更為她綁帶。

由Annie G.與Hailey C.組成的Monster Beez，雖然只得B Cup身材，但勝在真材實料，她們更暗寸「打假波」o靚模：「我哋唔係D Cup、E Cup，但為咗令效果勁啲，屋企有幾十對缽仔糕幫我哋升Cup。」

主攻日牌

昨日Annie與Hailey就孖住到沙田Onward開倉揀戰衣，由於正式的開倉日是明天，所以場內只有工作人員，令兩女可以安心即場試衫。主攻日牌的她們狂試性感比堅尼及低胸內衣，期間也有互相給予意見，Annie表示Hailey揀的水着唔夠搶眼，叫她換過一件閃令令的金色款式；而Hailey亦覺得Annie揀的喱士低胸內衣效果唔夠逼爆，要幫她令「咪咪」更集中。