曾國祥多角戀的其中一位神秘女友身份曝光，據知此人正是蔡瑩瑩（Ivy），她與曾國祥今年3月撻着，拍拖約兩個月，期間Ivy不知男友劈腿，記者前日電話聯絡Ivy，她初時不願多談，只說︰「我哋係朋友，識咗一年。」昨日再致電她，她終承認二人昔日的拖友關係︰「拍咗一段日子，佢係好男仔，有情有義。」她雖堅持不肯談及有關多角戀的事，但早前在微博曾談及對三角戀的感受，日前又留言：「有時真的慶幸自己上過這一課」。

聲稱對愛失信心

至於另一女主角A. Lin直言，因多角戀痛哭至生病，但問她是否被曾國祥傷害，她卻說︰「唔講得！收到朋友電話叫我低調。」問到是否傷得很深？她激動地說︰「當時好嬲，個衰人呃我半年，我唔止係第三者，可能係四、五、六者，之後打去鬧佢，佢有Send短訊嚟解釋，但我唔想聽佢把聲！（佢帶你去美國見家長？）嗰時喺美國好開心。（佢有女友仲一齊？）諗住佢會同女友分手，冇心傷害佢女友。（影響形象？）唔怕，一日未結婚一日都有得揀。」問A. Lin既知對方有女友仍跟他一起，是否被其甜言蜜語所氹？她說：「諗番之前自己好蠢，都有少少Dirty！」她又表示雙方已斷絕來往，更自稱對愛情失去信心。

對於曾志偉用「點菜」言論撐兒子（見另文），A. Lin寸爆說︰「一個人一碗飯一碟餸，做咩要咁多碟？做人要專一啲。」她又承認在微博鬧口中的「衰人」。男主角曾國祥則在微博表示不想愈描愈黑，張繼聰及李莉琳留言支持。

Ivy（蔡瑩瑩）

年齡：24歲

三圍：32B、25、33

身高：165cm

A. Lin（裴殷）

年齡：21歲

三圍：32C、24、34

身高：161cm