同屬金牌大風的方力申與Stephy傳拍拖傳足七年，雖然從未肯定對方的正印地位，卻在人前煙韌到暈。日前，小方被拍得帶同Stephy到W酒店見父親，Stephy又被踢爆「寶馬」座駕停泊在小方新居，她昨晚儼如女主人般駕她的「1MBOO」座駕返小方位於碧荔道的低座洋房！堅稱只是寄「車」的Stephy逗留到深夜仍未見離開，印證她已連人帶車正式進駐方家，當時小方的座駕未有離開，相信他正在家中。小方與Stephy已到同居地步，難怪他露口風，打算五年內結婚！

鄧麗欣駕車往方力申屋企，直至深夜仍未離開。

放大圖片

雙方互見家長

小方前晚出席好友雷頌德（Mark）的新店開張時，已深知紙包不住火，順水推舟暗認戀情。雖然他否認十月結婚，但每次談起Stephy時即甜在心頭。問到方爸是否喜歡Stephy？小方直認不諱：「都鍾意o架！佢哋都識咗好耐！」他還透露已見過Stephy的屋企人：「除咗佢爹哋外，我見過佢媽咪、家姐同姐夫！」

問到是否不打算公開戀情？小方說：「公開就唔會喇！私人感情唔會公開，始終要保護感情，但我冇乜嘢畀人影！」無私顯見私的他可謂半公開戀情，當被追問到何時結婚？他竟說：「幾時都冇所謂，最緊要係生小朋友！」談到他與Stephy幾多歲時，小方更暗示娶硬Stephy：「佢係26、我就30歲，依家要拚搏事業，希望五年內先講結婚！」

好友催快生仔

提到同居及借車位一事，小方表示的確是搬了新居，但只與家人居住，被問是否與Stephy已成一家人？他說：「唔係啦！住附近啫！我屋企又多咗個車位用唔着，佢冇車位咪畀佢用。」他亦承認與兩人認識多年，借車位亦冇所謂。

黎明（右）到場撐好友雷頌德的新店開張，但逗留十五分鐘便離開。

小方（左二）公開五年內娶妻，蘇永康（左）與許志安等即上前恭賀。

作為死黨的Mark被問到小方許下五年承諾，他說：「五年耐得滯，三年好喇！」他又催促小方快些造人：「佢兩個生出嚟嘅實靚。」原來Mark亦雙喜臨門，其太座梁家玉穿上Duras Amdient雪紡裙時腹部隆起，原來是有喜，他說：「10月預產期，又係仔！（追個女？）唔喇！太太之前已有個仔，加埋三個仔，再生變Big4。」而Big4與李治廷亦畀面撐場，黎明則到場15分鐘後速閃。