女子組合HotCha昨日與觸發微博疑「魂」的狄易達出席活動，HotCha得知消息後瞪大眼說：「真係o架？好驚呀！」查看照片後，Crystal又爆前晚亦遇到怪事：「聽深宵電台節目嘅時候，聽到一把女聲尖叫！」膽小的Winkie坦言心血少，最怕靈異事件，出Trip沖涼亦要打開門搵人陪，而「受惠人」正是對疑「魂」半信半疑的Regen，她說：「因為陪Winkie瞓，見過佢『走點』！」
此外，達仔坦言不想再談論事件：「唔想畀人覺得炒作，或者影響DJ朋友。（公司叫封嘴？）呢啲事都唔好再講喇！」他表示即使遇上靈異事，亦會找藉口安慰自己：「試過喺外地同同事搭電梯，講緊啲唔好嘅嘢，冇啦啦發現有人按晒啲掣，但依家最怕畀阿媽知，塞到我成身符！」