鄭裕玲（DoDo）昨日出席無綫慈善活動時，被追問契女唐貝詩近日的「盆景貓風波」，她即幫口指對方是細路女，事件是成長過程。對於唐貝詩遭網友狂插，DoDo笑指是「盆景裏的風波」！並希望網友不要再討論。
問到寇鴻萍現時的心情如何？DoDo說：「教女係咁。（寇鴻萍話你雪中送炭？）我做應該做嘅事，針對事唔係針對人。」她自言不是好契媽：「見過唐貝詩唔夠十次，冇盡責任。（會否盡責任？）冇時間，要享受人生。（唐貝詩反擊喎！）由佢成長囉！」
另外，鍾慧冰亦力撐唐貝詩：「放過佢啦！佢只係玩咗個黑色幽默，有啲人唔明白，只不過相片驚嚇，佢係反叛，但好多年輕人都反叛。」而寇鴻萍昨日發出兩張家中飼養貓兒的相片，證明一家人都愛貓。