霍汶希（Mani）與詩雅昨日為《小小「大廚」挑戰賽》擔任嘉賓，Mani大晒廚藝，為小朋友炮製健康食品，問到英皇旗下藝人誰是「廚神」？Mani搖搖頭，並踢爆天后容祖兒相當「惹火」：「祖兒煮嘅唔止唔好食，仲試過差啲燒咗我個廚房，佢唔記得熄火，燒溶咗我半隻鑊。（謝霆鋒呢？）唔好諗喇！」
至於詩雅在Mani指導後進步不少，可惜最近忙於宣傳新片及拍廣告，未有時間下廚，她說：「最想識煲唔同嘅湯，但呢排比較忙，要遲啲再學。我喺新廣告入面同影帝張家輝合作，會露頸同肩。（荷包脹？）係實惠價！」她更大讚師兄張家輝Nice和專業，希望有機會再合作偷師。
