袁詠儀（靚靚）以剪綵嘉賓身份出席銅鑼灣舉行的《DYNAMIC BODY運動治療》活動，她坦言以前因拍戲不錫身，以致腰痠背痛：「以前做動作戲，冇功夫底子，扮叻照做，依家生咗仔，乜問題都出現！」對於近日腸病毒肆虐，她強調要注重個人衞生：「呢個病毒連酒精都殺唔到，總之返到屋企就要除鞋兼洗手。（唔畀個仔返學？）唔會，如果因為驚而唔返學就好蠢，而且學校衞生做得好好。」
同場的李嘉慧對腸病毒肆虐十分擔心，更叮囑家人注重衞生：「無時無刻都要洗手，但我唔會緊張到唔畀兩個女出去。」問到會否給女兒吃維他命丸增強抵抗力？她說：「唔會，但會食多啲生果蔬菜補充營養。」
