台灣模特兒吳佩慈、熊黛林、型男鄭元暢、內地演員李小冉及胡兵等，前晚出席Dolce & Gabbana的上海恒隆廣場店開幕。對於台灣歌手蕭亞軒大方承認整容，曾被傳整容的吳佩慈說：「佢整雙眼皮啫！（有指你亦曾整容？）之前上網有人話我對眼似趙薇，我覺得好好笑囉！（敢唔敢隆胸？）等我問吓試過嘅朋友先，不過，如果我廿幾歲隆就可以用耐啲，31歲就無謂囉！如果真係要整，我想將屁股整翹啲，因為我好欣賞莫文蔚個屁股。」

悉心打扮的內地女星李小冉與名模李丹妮(右圖)，明艷照人！	李丹妮	鄭元暢與名模石周靚盛裝出席活動。

另外，吳佩慈否認與拍拖兩年的男友Peter已拉埋天窗，但拒透露男友是否已求婚，問到何時結婚，她說：「我唔想定一個時間，如果做唔到就會好失望。」但她強調將來一定會生BB：「都幾急o架！35歲前就要生。」

熊黛林在英國被包圍合照，未知是否算艷遇！

留了小鬍子的胡兵，官仔骨骨現身。

鄭元暢覓雙面女友

同場的鄭元暢則表示，很羨慕林志玲與其偶像木村拓哉合作拍劇，而他最希望與日本女星上野樹里合作：「佢演內心戲又得，搞笑戲又得，動靜皆宜。（搵女友都要動靜皆宜？）都係，最好平時獨立，只係對我先溫柔！其實我身邊都有幾個類似嘅名單，但都有男友或結咗婚。」談及阮經天最近的「初夜風波」，鄭元暢認為這種新聞不健康。

至於身穿低胸花花裙的熊黛林，剛於英國拍攝旅遊特輯，問到此行有否艷遇，她笑說：「有日我戴帽拍攝，突然有班人過嚟搶我頂帽，又同我合照又起哄，咁算唔算？」談及Angelababy與黃曉明的緋聞，她說：「我唔知，只知佢哋係俊男美女。」