前日下午，狄易達到電台接受節目《有冇搞錯》主持人彭詠儀（Morle）訪問，身為微博發燒友的他，即場與Morle合照，並即時上傳到微博，驟眼看相片並無異樣，頭戴紫藍色Cap帽、身穿黑色風褸的達仔坐在最前方，而Morle則在較遠處，不過細看照片左上方放在座椅的手袋上，竟浮現輪廓分明、影像清晰的嬰兒頭鬼影，該「小孩」更凝望着Morle，令人望而生畏！

狄易達死撐照片是助手以特技效果拍攝，堅稱冇撞鬼。資料圖片

Morle在微博留言，高呼不要搞她。

現場DJ Morle：不要搞我

博友發現照片出現疑似靈異現象後，即極速關注兼討論，博友Funkisa說：「我喺張相度見到個詭異嘅頭像，喺個袋上面，有一個BB頭，我發誓我冇陰陽眼！」更有人對達仔說：「你交錯了某些新朋友吧！」而主持人Morle看到留言後即驚恐回應：「Oh No！我都覺，不要搞我！我不要！」

昨日記者致電身在澳門的達仔求證，他說：「我見到啲留言，好多人都問我，不過因為做緊嘢未覆到！張相其實係助手用iPhone幫我影，佢加咗啲效果整蠱我！（追究助手？）唔會，希望返香港同歌迷解釋呢個惡作劇。」惟Morle的口供卻與達仔有出入，她說：「我係見到啲Fans留言先覺，自己有嚇一嚇，但應該係角度問題啫！（張相有做手腳？）機會好微，我見達仔影相後即時上載去微博！（佢有冇異樣？）個樣好攰囉！」兩位當事人口供前後矛盾，未知達仔是否為免疑似靈異照會在微博引起恐慌，受壓下未敢將事實和盤托出。